كلمات اغنية غلاغلا بلقيس احمد


غلا غلا ممكن أعبر لك عن إحساس الغلا

إنك تحب انسان واحساسك عن العالم ضرير

ولا ولا ممكن أعبر لك عن إحساس الولا

إنك تحب انسان للرمق الذي بعد الأخير

يا غير عن كل القلوب إن قلت بصدور الملا

يا عاطفة وحدودها أكبر عن الكون الكبير

وانا عليك أغار من نفسي ومن كلمة (هلا)

غيرة طفل من فطرته إنه على ألعابه يغير

يا كم قبلي حب وإن طال الزمن عاف وسلا

وانا إذا طال الزمن يزداد حبي غير غير

عودت قلبي يعشقك والغير لا والله فلا

وإنت الوحيد اللي معك الحب تحديد المصير

لا ضاق هالكون الفسيح وخيم الليل وملا

رمشي غطا والرمش الآخر يا حبيبي لك حرير

تعال نام بمقلة عيوني وأنا أشوف الحلا

تعال أصبح بك صباح الخير بالفجر المنير

وأنا اعشقك والعشق ساعات يرميك إب بلا

أدور البلوى معك والسر فالشطر الأخير



........