ماردت القدر يبعدني عنك يوم
ومـاردت السعــادة تعــوف بيبـــاني
ياليل ألامان الما تمرّه غيوم
ويا حضرة حنين بحضنـه دفّــاني
يا أجمل قصيدة وبالوزن محكوم
ويا أروع ندى أعلى أوراق بستاني
يا نبع الكرم محتاجتك هــ اليوم
مو تدري بغيابك طاحت أركاني
يا أجمل حلم وسط الجفن مرسوم
رحت والصور ظلت فوك حيطاني
الك حنيت يابوية اعلى بختك كوم
عفتني ويتمتني وضــاع عنــواني
أفز من نومي وأسمع صوتك المهموم
وأفكَدك وأرجع أغرك ويه أحزاني
صرت أنعاك وأبـﮁـي اعليك من دموم
وآنه القلم صــــار اليــوم ينعــــاني
ردت أشريك بس اشبيدي ع المقسوم
يالفــركَــاك هبّــط راسـي وأذانـي
بس انته أصبحت طير بــ جنحان يحوم
وهذا الذي مسّكن نوحي وأشجاني.